मिति २०७५/०५/११ गते यस शान्तिनगर गाउँपालिकाको कार्यालय प्राङ्गणमा आ.व. २०७४/७५ को वार्षिक प्रगति समिक्षा तथा सार्वजनिक सुनुवाई कार्यक्रम सम्पन्न भएको छ। यस गाउँपालिका का प्रवक्ता एवं वडा नं ६ का वडा अध्यक्ष श्री रवि बुढाथोकी उद्घोषक रहेको कार्यक्रममा स्वास्थ शाखा प्रमुख श्री हरि बहादुर पुनले कार्यक्रममा पाल्नुहुने सम्पुर्ण सेवाग्राही, पत्रकार, राजनैतिक दलका प्रतिनिधि, जनप्रतिनिधि तथा कर्मचारीहरूलाइ स्वागत गर्नु भएको थियो । उक्त कार्यक्रममा गाउँपालिका का सम्पुर्ण विषयगत शाखा प्रमूख तथा योजना शाखा प्रमुखले आ-आफ्ना शाखाको वार्षिक प्रगति विवरण सबै सहभागीका माझ प्रस्तुत गर्नु भएको थियो । त्यसै गरी ७ वटै वडाका वडा अध्यक्षले आ- आफ्ना वडाका आर्थिक, भौतिक तथा सामाजिक योजनाहरुको प्रगति विवरण पेश गर्नु भएको थियो । कार्यक्रममा खगेन्द्र शर्मा, राधिका परियार, लाल बहादुर वली, सरस्वती कँडेल लगायतका स्थानियवासीले महिला, योजना,कर,सुचना लगायतका विषयमा आफ्ना प्रश्न, जिज्ञासा र सुझाव दिनुभएको थियो । प्रश्नहरुको उत्तर तथा जवाफ यस गाउँपालिका का अध्यक्ष श्री कमानसिंह डाँगी, उपाध्यक्ष श्री मिथिला साह, प्रमुख प्रशासकीय अधिकृत श्री निम बहादुर के. सी. तथा शाखा प्रमुखहरुले दिनुभएको थियो । राजनैतिक दलका प्रतिनिधिका रुपमा ने.का को तर्फबाट श्री रत्न बहादुर भण्डारी र ने.क.पा को तर्फवाट श्री तिलक बहादुर खत्रीको प्रतिनिधित्व रहेको थियो ।